10. Feb 2008 | zur Übersicht

fasnachtsrückblick 08

Gampel|Steg|Bratsch|Hohtenn.– Schön war's, und nun ist's vorbei! Die Fasnacht war dieses Jahr (zu?) kurz und wir haben noch ein paar Bilder dazu.

Die Bilder stammen von Martig Leo, der an der Jeizifasnacht dabei war und von Rotzer Aldo, Restautrant Jägerheim, Gampel.

Schnitzelbänke Stägmuggä 2008

Wiär si di Stägmuggä / und wellä eiw blaagu, va Fehlär värzellu / Kritik an eiw waagu.
Öi luschtigs eiw brichtu / va ganz chleinä Gschichtu Wiär wellä ja lachu / und niämär ga richtu.

D'Stägär hent gseit / di chännä nimmä existiäru Di liäbu Hohtännär / wiär tiä doch fusionäru
D'Fusio ischt agnu / mit ubär 80 Prozänt Wells wird acht jez / va der niwu Gmei Presidänt?

D'Fusio Stäg-Hohtä / ischt ubär di Bühnu Und fascht alli Liit / sind jez gütär Lüünu
Nur eppis macht isch Sorgä / drum si wiär nit äso zwäg Jez hei wiär zwei Bahnheff / und keinä heisst Stäg.

Öi Gampil und Bratsch / di tiänt fusioniäru Därzüä tiä wiär Stägär / eiw härzlich gratuliäru
Doch vor eppis tiä wiär eib warnu / porggo heit d'Fingra äwägg und sägät iischum Bahnhof/ niä Gampil-Bratsch-Stäg

Im niwu Jahr si war / ini Turnhallu gigangu Wiä imraär het isch im Iigang / d'Vizekanzläri ärapfangu
An jedum Gmei-Alass / uf jedär Foto ischt schi därbi Ariane, tüäss gniässu / villicht ischt z'negscht Jahr alls scho värbi.

Di Gampjär värchumunt / ä niwi Kanzli Dar Striit mit dum Tomi / ischt jez-värbi
Trotz all um büwunsch dar Block / inär Driälmattu Därmit stellt schich dar Presi / grad sälbscht inu Schattu.

l.Öigschtu ufär Briggu / organisiärt va Kultur am Lonzastrand D'Stägär und di Gampjär / schaffund und faschtund mitänand
Stäg kehrt zum Bizirk Leigg / nalüt dar Esther Metry Im WB schribsch .... "Steg keine Feier" / di ischt doch värdrehti.

Bratsch Abfall, Bratsch Abfall / ischt gschtannu im Kaländär Vill Wichtigs het gfehlt / vam Jännär bis Dezämbär
Zum Glick hei wiär / dar Prototyp va 2007 Ändi Jahr / inu Abfallchibill gitribu.

Wiär Stägar si / giduldigi Liit Was dar Martig Koni isch atüät / geit isch vill zwiit
Wee z'Gampil meh Märt / dass tiängi wiär hoffu Da weri ischu Strassä / nit jahrilang offu.

D'Wirta va Stäg / di chännunts nit fassu Am elfi ischt Polizistund / suscht chumunsch ani Kassu
De hentsch ämal Liit / wa am Naatag nit miässunt schaffu Und di gent nä da nu / ubär uf Gampil ga laffu.

Dar niw Chef vanär Poscht z'Stäg / ärlöibt schich ganz vill Är parkiärt schis Auto / grad da wanär will
iisch gwändlichu Liit / das ischt nit ubärtribu Hettisch settigi parkiärärii / scho längscht üsgitribu.

An dischär Schtell / hei wiär eppis Luschtigs wellu bringu Na Jeizinu derfä wiär / denu nimmä singu
Liäbi Gampjär nämmäts lockär / äs ischt Fasnachtsziit Iär sit doch suscht öi nit / äso ämpfindlichi Liit.

Dar Lütolf Hans / vam Bahnhofbüffee Ischt allpott mit schinär Mannschaft / im Mineurs z'gseh
Penalty lüäg dum Büffee / de chascht ändi Jahr meh värbüächu Statt di ganzi Ziit / d'alti Serviärtochtär z'bsüächu.

40 Jahr Chor Stäg / Grund gnüäg fär äs Fäscht Ä gidigunä Alass / mit seer zfridnä Gäscht
Dum Marco und da Singswingär / ischt das doch schiissuglii Schi ladunt am glichu Abund / d'Liit öi zum ä Konzärtli i.

Anär Üfärstehig z'Oschtru / inär Kirchu z'Hohtää Hets ä grimmundgrossä / Üsrutschär gigä
Dar Romano macht d'Läsig / z'Natel litut mu ... das ischt d'Story Ar weiss nimmä was machu / seit ins Mikrofo ... Scheisse oh sorry.

Vanär Burgärschaft / fascht d'letschi Büparzellu Gentsch ga värchöüfu / ischu Burgärratsgsellu
Ganz obärflächlich hentsch / inär Värsammlig informiärt Wenn Amatöra mit Bauprofis värhandlund / ischt settigs bald ämal passiärt.

Dar Rotzär Schorsch / wer kännt denu nit Ischt ischä gregschtusch Fän / ja är ischt dar Hit
Ar tüät niämärum z'Leid / ischt kei Plaggetu Immär üfgstelltä / öi wänns ischt wiä nä Ragetu.

An vollä Ärfolg / z'Theatär zum Stäg Va wiit und nooch / finnund alli du Wäg
Dar Manggi spült / in schinär unvärkännbaru Passio Abär dizrnal kehrti dum Heri / mindestens dar dopplat Loh.

Randsteina druss / und widär ämi Was ischt das um Himmils Willu / nur fär ä Schaffäri
Statt z'Dorfbild z'värschönru / mit der eimaligu Gläguheit Hent wirkli alli / uf dar ganzu Lingju värseit.

Jez wellä wiär eiw / nu an Aktuellä darbringu Alls Gäscht si wiär / äbrüfz'Jeizinu ga singu
Z'Retürbilet sälbscht gizailt / fär Rückfahrt nu 30 Stei Züäschlag Wiär Stäggmuggä hei gmeint/isch träffö dar Schlag.